نلتر (جنگ نیوز) پی اے ایف اسکی ریزورٹ میں سعدیہ خان اسکی کپ کے شاندار مقابلے ختم ہوگئے۔ پاک فضائیہ کے سربراہ ائیر چیف مارشل سہیل امان اس موقع پر مہمان خصوصی تھے۔ گلگت بلتستان اسکاؤٹس سلالم اور جائنٹ سلالم کے تمام میڈلز جیت کر اس سال کپ کی فاتح قرار پائی۔ سلالم میں افراح ولی نے گولڈ، فاطمہ سہیل نے سلور اور عمیمہ ولی نے برانز میڈل جیتا۔ جائنٹ سلالم ایونٹ میں بھی افراح ولی نے گولڈ، فاطمہ سہیل نے سلور اور عمیمہ ولی نے برانز میڈلز اپنےنام کیے۔ان مقابلوں میں پاکستان کی مختلف اسکی ایسوسی ایشنز کے اسکیئرز نے اپنی مہارت کے جوہر دکھائے ۔اسکی سے محبت کرنے والوں کی ایک بڑی تعداد اس چیمپئن شپ کو دیکھنے کیلئے آئی تھی۔ اختتامی تقریب سے خطاب کرتے ہوئے ائیر چیف نے کہا کہ نوجوانوں میں اسکی کے کھیل کو مقبول بنانے کے لیے اسکی فیڈریشن آف پاکستان کی کاوشیں قابلِ تحسین ہیں۔ میری خواہش ہے کہ اسکی فیڈریشن آف پاکستان ملک کے دیگر علاقوں کے نوجوان لڑکے اور لڑکیوں کو بھی اسکی کی سہولیات فراہم کرے ۔ انہوں نے مزید کہا کہ یہ قابل ذکر بات ہے کہ اسکی فیڈریشن آف پاکستان رتو اور مالم جبہ کے بچوں کے لیے ایک اسکی سکول قائم کر رہا ہے۔ امید ہے کہ اس طرح کی سرگرمیوں سے ہمارے کھلاڑی پوری دنیا میں سکی کے مقابلوں میں بہترین کارکردگی دکھائیں گے۔ پاک فضائیہ نے اس علاقے کے طلباء کو بہترین تعلیمی اور ووکیشنل تربیت فراہم کرنے کے لیے کئی منصوبے شروع کیے ہیں۔
فرمان الہی
نماز کے اوقات
