آپ آف لائن ہیں
جنگ ای پیپر
پیر10؍ربیع الاوّل 1440ھ 19؍نومبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
French Mountaineering Trapped On Nanga Parbat Was Rescued

نانگا پربت پر پھنسی فرانسیسی کوہ پیما کو ریسکیو کرلیا گیا، کوہ پیماؤں کی پولش ٹیم کا کہناہے کہ چوٹی پر پھنسے پولش کوہ پیما کا کوئی پتا نہیں چل سکا۔ شدید سردی اور دشوار موسم کے باعث پولش کوہ پیما کی مزید تلاش ختم کر دی گئی۔

غیر ملکی خبر ایجنسی کے مطابق پولش کوہ پیما ٹیم کا کہنا ہے کہ تلاش سے ریسکیو ٹیم کی جانیں شدید خطرے میں  پڑسکتی ہیں۔پولش کوہ پیما کی تلاش ختم کرنے کاد​ردناک فیصلہ کیا گیا۔

پاکستانی حکام کے مطابق پاکستانی فوجی ہیلی کاپٹرزنے6700میٹرکی بلندی پرالزبتھ کو ڈھونڈ لیا۔ ریسکیو ٹیم کے دو ارکان نے6700 کی بلندی پرچڑھ کر فرانسیسی کوہ پیما الزبتھ ریوول کو ریسکیوکیا۔ موسم بہتر رہا تو الزبتھ کو آج اسکردو پہنچا دیا جائے گا۔

غیر ملکی کوہ پیماؤں کو نکالنے کے لئے آرمی ایوی ایشن کے ہیلی کاپٹرز نے کل آپریشن شروع کیا تھا اور پولش کوہ پیماٹیم کو نا نگا پربت پہنچایا تھا۔

خراب موسم اور برفانی ہواؤں کے باعث دو غیر ملکی کوہ پیما نانگا پربت میں 7 ہزار 400 میٹر کی بلندی پر پھنس گئے تھے ۔ دونوں کوہ پیماؤں نے سیٹلائٹ فون کے ذریعے مدد کا پیغام بھیجا تھا ۔

ایک کوہ پیما کی بینائی متاثر ہوئی جبکہ دوسرے کوہ پیما کے ہاتھوں اور پاؤں کی انگلیاں فراسٹ بائیٹ کا شکار ہوئی تھیں۔

 

Chatاپنی رائے سے آگاہ کریں