ملتان(سٹاف رپورٹر)ملتان پولیس نے جرائم پیشہ عناصر کے خلاف کارروائی کرتے ہوئے15منشیات فروش، ایک جائز اسلحہ ، 2بھکاری، 4جواری، 3 آتشباز اور12 اشتہاریوں سمیت46ملزمان گرفتارکرلئے ۔ملزمان سےمنشیات کی بھاری مقداراورشراب برآمد کر کے مقدمات درج کر لئے ۔پولیس تھانہ بدھلہ سنت نے ملزم آفتاب سے پسٹل معہ 3گولیاںبرآمد کر کے مقدمہ درج کرلیا۔ پولیس تھانہ ممتازآباد نے ملزم ظفر علی ، پولیس تھانہ بی زیڈ نے ملزمہ شکیلہ بی بی کو بھیک مانگنے پر مقدمات درج کر لئے ۔پولیس تھانہ قطب پور نے ملزم محمد ندیم ، پولیس تھانہ نیو ملتان نے ملزم خالد ، دلشاد سے سامان آتشبازی برآمد کر کے مقدمات درج کر لئے۔ پولیس تھانہ ممتازآباد نے ملزم محمد سلیم پنجاب سائونڈ سسٹم آرڈیننس کی خلاف ورزی کرنے پر مقدمہ درج کرلیا۔ پولیس تھانہ اولڈ کوتوالی نے ملزم محمد طہ، ملزم اصغرکو غیر قانونی گیس ری فلنگ کرنے پر مقدمات درج کر لئے۔ پولیس تھانہ شاہ شمس نے ملزم جعفر حسین، پولیس تھانہ مظفر آباد نے ملزمان محمد آصف، محمد جاوید، پولیس تھانہ الپہ نے ملزم ایاز ، پولیس تھانہ بستی ملوک نے ملزم محمد شہباز ،پولیس تھانہ صدر شجاعباد نے ملزم محمد اعجاز کو غفلت لاپرواہی اور تیز رفتاری سے گاڑیاں چلانے پر مقدمات درج کر لئے۔ ملتان پولیس نے گزشتہ چوبیس گھنٹے کے دوران105بغیر کاغذات /نان رجسٹر ڈ موٹرسائیکلوں کوقبضہ میں لیا۔ ملتان پولیس نے12 اشتہاریوںجو مختلف جرائم میں ملوث تھے کو گرفتار کرلیا۔
فرمان الہی
نماز کے اوقات
