گوجرانوالہ(جنگ نیوز) پاکستان کی سب سے بڑی تعلیمی نمائش جنگ ایجوکیشن ایکسپو2018ء کا باقاعدہ آغاز آج گوجرانوالہ جی ٹی روڈکنگنی والا بائی پاس پرہیون کیسل ہال میں ہو رہا ہے جس میں ملک کے معروف قومی وبین الاقوامی تعلیمی ادارے ہزاروں طلباء وطالبات کو ان کے تعلیمی کیریئر کے حوالے سے بہم معلومات پہنچانے کیلئے اپنے اپنے سٹال لگائیں گے، جنگ میڈیا گروپ تقریباً ایک دہائی سے ملک میں تعلیمی سیکٹر کو پروموٹ کرنے کیلئے خدمات سرانجام دے رہا ہے جس میں طلباء وطالبات کی بہتر رہنمائی کیلئے ہر سال ملک کے مختلف بڑے شہروں میں تعلیمی نمائشوں کا انعقاد کیا جاتا ہے جس کا مقصد نہ صرف طلباء وطالبات کو ان کے بہتر مستقبل سے متعلق رہنمائی دینا ہے بلکہ ان کو بیرون ملک اعلیٰ تعلیم کے حصول کیلئے مواقع فراہم کرنا بھی ہے، جنگ گوجرانوالہ ایکسپو اپنی نوعیت کی ایک اہم اور بڑی تعلیمی نمائش ہے جس میں گزشتہ سالوں کی طرح اس بار بھی 50کے قریب تعلیمی ادارے حصہ لے رہے ہیں جن میں مختلف سکولز ،کالجز اور یونیورسٹیوں کے ساتھ ساتھ بیرون ملک اعلیٰ تعلیم کے حصول کیلئے غیر ملکی یونیورسٹیاں بھی اپنے کنسلٹنٹ کے ذریعے سٹالز لگا رہی ہیں جن میں یونیورسٹی آف لاہور، یونیورسٹی آف مینجمنٹ اینڈانفارمیشن ٹیکنالوجی ، گفٹ یونیورسٹی، سپیریئر گروپ، ای لرن پنجاب،چاند باغ اسکول، یونیورسٹی آف سرگودھا، بیکن ہائوس اسکول سسٹم، لیڈز یونیورسٹی، پنجاب یونیورسٹی، دی ایجوکیٹر، دی کالج آف لاء، ایف سی کالج، پروفیشنل اکیڈمی آف کامرس، سیوی سکول آف لائف، الائیڈ سائنس کالج، سٹار انسٹیٹیوٹ اور اقبال اکیڈمی کے علاوہ دیگر تعلیمی ادارے اور کنسلٹنٹ شامل ہیں، جنگ ایجوکیشن ایکسپو گوجرانوالہ میں ہر خاص وعام کیلئے دعوت عام اور داخلہ فری ہے۔
فرمان الہی
نماز کے اوقات
