کراچی (سید منہاج الرب) مارچ میں ہونے والے سینیٹ کے انتخابات کے لئے پیپلزپارٹی نے اپنے امیدواروں کو انٹرویوز کر لئے ہیں، انٹرویو پارٹی کے چیئرمین بلاول بھٹو زرداری کی سربراہی میں قائم کمیٹی نے لئے۔ پیپلزپارٹی کے ذرائع کے مطابق سینیٹ کے انتخابات میں ٹکٹ کے حصول کے لئے انٹرویو دینے والوں میں موجودہ چیئرمین سینیٹ رضا ربانی بھی شامل تھے۔ انٹرویو بدھ کو بلاول ہائوس میں ہوئے۔ مجموعی طور پر150امیدواروں کے انٹرویو کئے گئے جن میں پیپلزپارٹی کے رہنما اور چیئرمین سینیٹ رضا ربانی، تاج حیدر، پروفیسر این ڈی خان، وقار مہدی، راشد ربانی، ڈاکٹر کریم خواجہ، عاجز دھامرا، انور لال دین، انتھونی نوید، سریندر دلاسائی، ہری رام، رخسانہ زبیری،منیرہ شاکر، شبنم لغاری نمایاں ہیں جبکہ انٹرویو لینے والے پینل کے سربراہ چیئرمین بلاول بھٹو زرداری اور اراکین میں فریال تالپور، شیری رحمن، فرحت اللہ بابر، وقار مہدی، راجہ پرویز اشرف اور نیئر بخاری شامل ہیں۔
فرمان الہی
نماز کے اوقات
