سینٹ پیٹرزبرگ(جنگ نیوز)کیریئر کا پہلا گرینڈ سلم آسٹریلین اوپن جیت کر عالمی نمبر ایک پوزیشن حاصل کرنے والی کیرولین وزنیاکی کیلئے کوارٹر فائنل میں رسائی مشکل ثابت نہ ہوئی، انہوں نے روسی حریف انستاسیا پوتاپوا کو صرف ایک سیٹ گنوا کر زیر کر لیا۔ نمبر دو سیڈ یلینا اوستاپنکو نے سخت مقابلے کے بعد 7-6(6)، 6-3 سے ویرا زواناریوا کو مات دے کر کوارٹر فائنل میں جگہ بنائی۔ جرمنی کی نمبر پانچ سیڈ جولیا جورجیس نے لاسٹ 16 پلیئرز میں جگہ بنائی۔ انہوں نے کوالیفائر رابرٹا ونچی کو 6-7 اور 0-6 سے زیر کیا۔ فرانس کی دفاعی چیمپئن کرسٹنیا ملاڈینووچ نے گذشتہ برس کی سیمی فائنلسٹ ڈومنیکا سبلکووا کے خلاف اسٹریٹ سیٹس میں 6-4، 6-4 سے فتح کو گلے لگایا اور کوارٹرفائنل میں رسائی حاصل کرلی۔
فرمان الہی
نماز کے اوقات
