سکھر (بیورو رپورٹ) ایئرپورٹ تھانے کی حدود سٹی بائی پاس کے نزدیک انڈس ہائی وے پر ٹریلر کی ٹکر سے موٹر سائیکل پر سوار میاں بیوی اور ایک بچہ جاں بحق ہوگئے۔ ڈرائیور فرار ہونے میں کامیاب ہوگیا۔ ایدھی سکھر کے انچارج گل مہر کے مطابق سٹی بائی پاس پر تیز رفتار ٹرالر نے موٹر سائیکل کو پیچھے سے ٹکر ماردی جس کے نتیجے میں موٹر سائیکل پر 23سالہ فدا حسین اس کی اہلیہ 21سالہ امام زادی اور ایک 4سالہ بچہ عبدالرحمن جاں بحق متوفی فدا حسین کا بھائی 20سالہ صابر حسین شدید زخمی ہوگیا، زخمی کو سندھ رینجرز اسپتال منتقل کردیا گیا ہے۔ جاں بحق بچہ متوفیہ امام زادی کا بھائی بتایا جارہا ہے۔ جاں بحق ہونیوالوں کا تعلق لاشاری برادری سے ہے اور ضلع خیرپور کے رہائشی بتائے جاتے ہیں، جو جیکب آباد سے شادی کی تقریب میں شرکت کے بعد واپس خیرپور جارہے تھے کہ حادثے کا شکار ہوگئے۔ اطلاع پر پولیس نے پہنچ کر ٹریلر کو تحویل میں لے لیا جبکہ ڈرائیور فرار ہونے میں کامیاب ہوگیا، جس کی گرفتاری کے لئے پولیس پارٹی تشکیل دیدی گئی ہے۔
فرمان الہی
نماز کے اوقات
