فرمان الہی
نماز کے اوقات
وفاقی وزیر داخلہ احسن اقبال نے کہا ہے کہ پاکستان کےعوام نے عمران خان کی منفی اور احتجاج کی سیاست کو مسترد کردیا ۔
لندن میں انٹرنیشنل انسٹیٹیوٹ اسٹریٹجک اسٹڈیز سے خطاب اور میڈیا سے گفتگو میں احسن اقبال نے کہا کہ لودھراں کے الیکشن نے عام انتخابات کا ’ٹرینڈ سیٹ‘ کردیا ہے۔
ان کا کہنا تھا کہ لودھراں میں علی ترین کی ناکامی عمران خان کی شکست ہے، لودھراں کا نتیجہ، عوام کا مسلم لیگ ن پر اعتماد کا اظہار ہے۔
وفاقی وزیر داخلہ نے یہ بھی کہا کہ عمران خان کی سیاست یو ٹرن سے عبارت ہے، عوام کو احساس ہے کہ ملک کو ترقی کی راہ پر ڈالنے والے نواز شریف کو مجرم قرار دیدیا گیا۔
انہوں نے مزید کہا کہ امریکی عدالت نےعمران خان کو بددیانت اور پاکستانی عدالت نے انہیں صادق اور امین قرار دے دیا۔
احسن اقبال کا کہنا تھا کہ 4 سال پہلے کی نسبت آج کا پاکستان مختلف اور ترقی یافتہ ہے،سابق وفاقی وزیرداخلہ چوہدری نثار کے پارٹی چھوڑنے کا امکان نظر نہیں آتا۔
