کراچی (جنگ نیوز) مسلم لیگ (ن) کے رہنما چوہدری نثار (ڈمی) کے گلے شکوے جمعہ کو ”جیونیوز“ کے پروگرام ”خبرناک“ میں پیش کئے جائیں گے۔شو کے دوران بات کرتے ہوئے اُن کا کہنا تھا کہ ”وابستہ میری یاد سے کچھ تلخیاں بھی تھیں، اچھا کیا جو مجھ کو فراموش کر دیا“۔ اُنہوں نے کہا کہ ”مجھے وزیراعظم نہیں شہباز شریف کا شہ بالا بننا ہے“۔ پروگرام کے دوران عائشہ نے نفسا نفسی کے دور میں خوش رہنے کے ٹوٹکے بتاتے ہوئے کہا کہ ”خوش رہنا ہے تو سوشل میڈیا سے دور رہیں“۔ ”خبرناک“ میں جن دیگر موضوعات پر بات ہوگی اُن میں ”خوشیاں ڈبل ہو جائیں تو دکھ بھی سراٹھا لیتے ہیں، میری ہی پرچی سے پاس ہونے والے آج پرچی کا تقدس بتانے لگے اور چوہدری صاحب واپس آ جاؤ کچھ نہیں کہا جائے گا“۔ شامل ہیں۔ طنز و مزاح سے بھر پور پروگرام علی میر اور عائشہ جہانزیب کے ساتھ رات 11 بجکر5منٹ پر نشر ہوگا۔
فرمان الہی
نماز کے اوقات
