ملتان (سٹاف رپورٹر) یونائیٹڈ ڈاکٹر فرنٹ ملتان چیپٹر کے چئیرمین پروفیسر ڈاکٹر مسعود الرئوف ہراج کی صدارت میں گزشتہ روز اجلاس ہوا ،جس میں کہا گیا کہ پی ایم اے ملتان کے زیر التوا الیکشن میں کوئی رکاوٹ نہیں ڈالی جائے گی۔ یونائیٹڈ ڈاکٹر فرنٹ کے تمام عہدیداروں نے ضلع بھر کے ہسپتالوں کے سربراہان سرکاری و غیر سرکاری اداروں کے حکام کو کہا ہے کہ پاکستان میڈیکل ایسوسی ایشن ملتان کی منتخب باڈی اس وقت موجود نہیں ہے چنانچہ اگر کوئی شخص یا گروپ اس پلیٹ فارم سے ایڈریس کرے تو اس کا محاسبہ کریں ۔ یونائیٹڈ ڈاکٹر فرنٹ آنے والے چند دنوں میں ڈاکٹروں کے تمام گروپس کے سربراہان کے باہمی مشورے سے پی ایم اے کے نئے الیکشن کے انعقاد کے سلسلے میں پروگرام ترتیب دے گا۔ اجلاس میں ڈاکٹر طارق وقار، بلال سعید ، عمران رفیق ۔شیخ عبدالخالق، ذوالقرنین حیدر، مرتضی بلوچ، ظفر ملک، وقار نیازی ، عمران مزاری، محمد صابر، محبوب قادر، رضوان شریف، شکیب فیض، خضر صدیقی، ذیشان فرید، نوید بزدار، اختر ملک، اور رانا خاور نے بھی شرکت کی۔
فرمان الہی
نماز کے اوقات
