گوجرانوالہ ......گوجرانوالا میں پولیس نے کئی گھنٹوں کے مقابلے کے بعد خاتون سمیت 3 ملزمان کو گرفتار کرلیا۔
گوجرانوالہ کی فیصل کالونی کے ایک خالی مکان میں مشکوک افراد کی موجودگی کی اطلاع پر پولیس نے چھاپا مارا تو ملزمان نے جدید ہتھیاروں سے فائرنگ شروع کردی،پولیس اور ایلیٹ فورس کی بھاری نفری نے قریبی گھروں کو خالی کرالیا اور چھتوں پر مورچے بنالیے۔ پولیس نے فائرنگ اور آنسوگیس کے شیل فائر کیے، ملزمان کی فائرنگ سے 4 افراد زخمی بھی ہوئے۔
اہل علاقہ کا کہنا ہے کہ مکان خالی تھا اور ملزمان باہر سے تالے لگا کر رہتے تھے۔ پولیس مقابلے کا 6 گھنٹے بعد ڈراپ سین ہوگیا، آنسو گیس کے شیل گرنے سے ملزمان بے ہوش ہوگئے اور پولیس دروازہ توڑ کر گھر کے اندر داخل ہوگئی جس کے بعد پولیس نے خاتون سمیت 3 افراد کو گرفتار کرلیا گیا۔
گرفتار ملزمان کے نام مومنہ، عثمان اور عظیم بتائے جاتے ہیں، ملزمان کے قبضے سے ایک کلاشنکوف اور 4 پستول بھی برآمد ہوئے ہیں۔
ملزم عظیم اور مومنہ گوجرانوالا کے علاقہ تاراں والا کے رہائشی ہیں جبکہ عثمان کا تعلق نارووال سے ہے، ملزمان کے خلاف تھانہ کینٹ میں ڈکیتی کے مقدمات درج ہیں، پولیس مزید تفتیش کررہی ہے۔
فرمان الہی
نماز کے اوقات
