فرمان الہی
نماز کے اوقات
دبئی(عبدالماجد بھٹی،نمائندہ خصوصی)پاکستان سپر لیگ میں گذشتہ دو ایڈیشن میں آخری نمبر پر آنے والی لاہورقلندر کو ملتان سلطانز کے ہاتھوں پہلے میچ میں43 رنز سے شکست کا ذائقہ چکھنا پڑا۔ملتان سلطان نے ٹورنا منٹ میں دونوں میچ جیت کر متاثرکن آغاز کیا ہے۔ جنید خان نے ٹورنامنٹ کی پہلی اور پی ایس ایل کی دوسری ہیٹ ٹرک کرلی۔اس سے قبل محمد عامر نے ہیٹ ٹرک کا اعزاز بھی لاہور کے خلاف حاصل کیا تھا۔ملتان نےپانچ وکٹ پر 179رنز بنائے تھے۔جواب میں لاہور کی ٹیم136رنز پر گر گئی۔بڑے ہدف کے تعاقب میں لاہور کی جانب سے کوئی بیٹسمین میچ فنش نہیں کرسکا۔فخر زمان نے30 گیندوں پر49رنز چار چھکوں کی مدد سے بنائے۔عمر اکمل نے31 سنیل نارائن نے26اور سہیل اختر نے 21رنز بنائے۔ ایک موقع پر لاہور کی پوزیشن مضبوط تھی 132رنز پر تین وکٹ گرے تھے۔لیکن عمران طاہر نےسہیل اختر اور عامر یامین کو بولڈ کرکے میچ کو ملتان کے حق میں کردیا۔جنید خان نے ہیٹ ٹرک کردی ۔
