راولپنڈی ( اپنےرپورٹر سے)پاکستان عوامی تحریک شمالی پنجاب کے صدر بریگیڈیئر (ر) مشتاق احمد نے کہاہے کہ جسٹس قیوم کے ذریعے مخالفین کو کچلنے والے آج چلا رہے ہیں کہ عدلیہ تجاوز کر رہی ہے۔شہباز شریف کی داڑھی میں اگر کوئی تنکا نہیں توانہیں عابد باکسر اور احد چیمہ کی گرفتاری سے پریشان نہیں ہو نا چاہیئے سانحہ ماڈل ٹائون کے شہداء کا خون رنگ لانے لگا ،ملکی تاریخ میں پہلے مرتبہ بالا دست طبقات قانون کی گرفت میں آرہے ہیں ۔ان خیالات کا اظہار انہوں نے تحریک منہاج القرآن کے زیر اہتمام پریس کلب راولپنڈی میں سفیر امن سیمینار سے خطاب کرتے ہوئے کیا ۔ بریگیڈیئر (ر) مشتاق احمدنے کہاکہ ووٹ کاتقدس یہ ہے کہ منتخب ہونے والا امانت میں خیانت نہ کرے ،پچاس پچاس کروڑ خرچ کر کے اسمبلیوں میں پہنچنے والے سب سے پہلے اپنا پیسہ پورا کریں گے ، اس نظام زر کے تحت سو الیکشن بھی ہو جائیں تو ملک میں تبدیلی نہیں آسکتی ۔کنونشن سے خطاب کرتے ہوئےعمر ریاض عباسی نے کہا کہ ایساملکی نظام تشکیل دینا جس میں ہر بدعنوان کی پکڑ ہو حکومت کی ذمہ داری ہو تی ہے ،جب حکمران ایسا نہیں کرتے تو انہیں یہ واویلا کرنے کا بھی کوئی حق نہیں کہ احتساب صرف سیاست دانوں کا ہو تا ہے ، ۔کنونشن سے سلطان نعیم کیانی ،انار خان گوندل ،علامہ محمود تبسم ،ناہیدہ راجپوت ،فرقان یوسف اور ظہور احمد نے بھی خطا ب کیا ۔
فرمان الہی
نماز کے اوقات
