فرمان الہی
نماز کے اوقات
چیئرمین سینٹ رضا ربانی نے کہا ہے کہ سینیٹ الیکشن میں نواز لیگ کے آئوٹ ہونے سے سیاسی نظام کو دھچکا لگا ہے، احتساب صرف سیاست دانوں کا نہیں، سب کا ہونا چاہئے۔
بلاول بھٹو زرداری کہتے ہیں کہ شدت پسندی کو اسلام سے جوڑنا درست نہیں، دونوں رہنما ایشیا فلم فیسٹیول میں شرکت کے بعد میڈیا سے گفتگو کررہے تھے۔
کراچی ایکسپو سینٹر میں ایشیا فلم فیسٹول کے آخری روز میڈیا سے گفتگو میں چیئرمین سینٹ رضا ربانی کا کہنا تھا کہ آئندہ عام انتخابات وقت پر ہوں گے، نیب کی ازسرِ نو تشکیل ضروری ہے، احتساب صرف سیاستدانوں کا نہیں ہونا چاہئے۔
چیئرمین پیپلز پارٹی بلاول بھٹو زرداری نے کہا کہ شدت پسندی کو ہمیشہ اسلام سے جوڑا جاتا ہے مگر اس کا اسلام سے کوئی تعلق نہیں۔
بلاول بھٹو زرداری نے فیسٹیول کو سنیما انڈسٹری کی بحالی کیلئے مثبت قرار دیا، تقریب کے اختتام پر بلاول کو بینظیر بھٹو کا پورٹریٹ بھی پیش کیا گیا۔
