فرمان الہی
نماز کے اوقات
گھوٹکی کے حلقہ پی ایس 7 ڈہرکی میرپور ماتھیلو پر ضمنی انتخاب میں غیرحتمی اور غیر سرکاری نتائج کے مطابق پیپلزپارٹی کے امیدوار عبدالباری پتافی 48ہزار 114 ووٹ لے کر کامیاب ہوگئے جبکہ ان کے مدمقابل فنکشنل لیگ کے امیدوار میاں مجن 36 ہزار 987ووٹ لے سکے۔
گھوٹکی میں پیپلزپارٹی کے سردار احمد علی پتافی کے انتقال کے بعد خالی ہونے والی نشست پی ایس 7 میرپور ماتھیلو پرضمنی انتخاب ہوا۔164
پولنگ اسٹیشنوں پر صبح 8بجے سے شام 5بجے تک ووٹ ڈالے گئے۔ نوجوانوں کے ساتھ ساتھ بزرگ اور معذور افراد نےبھی ووٹ ڈال کراپنا قومی فریضہ ادا کیا۔
اس نشست پر پیپلزپارٹی کےعبدالباری پتافی، مسلم لیگ فنکشنل کے میاں مجن اور پانچ آزاد امیدوار وں نے حصہ لیا۔ لیکن اصل اور کانٹے دار مقابلہ فنکشنل لیگ کے امیدوار میاں مجن اور پیپلزپارٹی کے عبدالباری پتافی کے درمیان ہوا۔
غیر حتمی اور غیر سرکاری نتائج کے مطابق پیپلزپارٹی کے امیدوار عبدالباری پتافی نے 48ہزار 114 ووٹ لے کر کامیابی اپنے نام کرلی ،پیپلزپارٹی کے امیدوار کی جیت کی خوشی میں جیالوں نے جشن منایا۔
