فرمان الہی
نماز کے اوقات
وزیر اعلیٰ خیبر پختون خوا پرویز خٹک کا کہنا ہے کہ ہارس ٹریڈنگ میں ملوث ارکان کے خلاف تحقیقات جاری ہے۔
عمران خان کی زیر صدارت سینیئر رہنماؤں کے اجلاس میں عمران خان نے پی ٹی آئی کے اراکین صوبائی اسمبلی کی مبینہ ہارس ٹریڈنگ پر برہمی کا اظہار کیا۔
پرویز خٹک نے ہارس ٹریڈنگ کے معاملے پر ابتدائی رپورٹ پیش کردی اس موقع پر ان کا کہنا تھا کہ ہارس ٹریڈنگ میں ملوث ارکان کے خلاف تحقیقات جاری ہے۔
عمران خان کا کہنا تھا کہ ہارس ٹریڈنگ میں ملوث ارکان پارٹی کی بدنامی کا باعث بنے ہیں، بکنے والے ارکان کی تحریک انصاف میں کوئی جگہ نہیں۔
ذرائع کے مطابق عمران خان نے پرویز خٹک کو ہدایت کی کہ ملوث ارکان کے نام سامنے لائے جائیں۔
