دنیا بھر میں آج خواتین کا عالمی دن منایا جا رہا ہے ۔
اس موقع پر جہاں دنیا بھر میں مختلف سیمینارز اور ورک شاپس اور مختلف ایونٹس منعقد کئے جا رہے ہیں وہیں عالمی شہرت یافتہ سرچ انجن گوگل نے بھی اپنا نیا ڈوڈل جاری کردیا ہے۔
ہر سال کی طرح اس سال بھی خواتین کے عالمی دن کے حوالے جاری کئے گئے اس نئے ڈوڈل میں پاکستان،امریکا، جاپان اور میکسیکو سمیت مختلف ممالک کی 12خواتین فنکاروں کی تیار کردہ تصاویر پر مبنی کہانیوں کو دکھایا گیا ہے ۔
جس میں پاکستانی نژاز برطانوی فنکارہ صفا خان کا ہوم لینڈ کے نام سے تصویری کہانی بھی شامل ہیں۔