فرمان الہی
نماز کے اوقات
چیئرمین سینیٹ میاں رضا ربانی کہتے ہیں کہ کوشش کی اپنے اصولوں پر، آئین پر اور پارلیمان کی بالادستی پر کمپرومائز نہ کروں۔
سینیٹ سے اپنے الوداعی خطاب میں چیئرمین سینیٹ نے مزید کہا کہ جس مقام پر ہوں دو خواتین کا بڑا کردار ہے، جن میں سے ایک میری والدہ اور دوسری میری سیاسی ماں شہید بے نظیر بھٹو ہیں۔
انہوں نے کہا کہ منصب آنے جانے ہوتے ہیں ، ہم ذوالفقار بھٹو کے نقش قدم پر ہیں کہ گردن کٹادو لیکن اصولوں پر سودے بازی نہ کرو۔
رضا ربانی کا کہنا ہے کہ تین سال یہ ہاؤس مجموعی لیڈر شپ کے تحت چلا،جو کریڈٹ یا ڈس کریڈٹ اس سینیٹ کا ہے وہ صرف چیئر کا نہیں بلکہ سینیٹ کی مجموعی لیڈرشپ کا ہے۔
ان کا یہ بھی کہنا ہے کہ یہ بھی درست ہے کہ ہر ادارے کو آئینی حدود میں رہتے ہوئے کام کرنا چاہیے ، اس سلسلے میں سینیٹ میں بحث بھی ہوئی ۔
