فرمان الہی
نماز کے اوقات
لاہور کی انسداد دہشت گردی کی عدالت نے قصور ویڈیو اسکینڈل کے ایک اور کیس کا فیصلہ جاری کرتے ہوئے مقدمہ نمبر 264/15 میں ناکافی ثبوتوں پر2 ملزمان کو بری کرنے کا حکم دے دیا۔
انسداد دہشت گردی کی خصوصی عدالت نمبر 4 کے جج محمد الیاس نے فیصلہ سنایا، بری ہونے والے ملزمان میں حسیم عامر اور فیضان مجید شامل ہیں۔
اس سے قبل بھی 3 مقدمات میں جرم ثابت ہونے پر حسیم عامر کو سزا ہو چکی ہے۔
پراسکیوشن کی جانب سے عدالت میں 13 گواہان پیش کیے گئے،نامزد ملزمان کے خلاف قصور میں زمان نامی بچے سے بدفعلی کا مقدمہ درج کیا گیا تھا۔
انسداد دہشت گردی عدالت کے ڈپٹی پراسیکیوٹر امتیاز احمد سپرا نے مؤقف اختیار کیا کہ ملزم حسیم نے متاثرہ بچے کے ساتھ بدفعلی کی اور ویڈیو بنائی، جس کے بعد ملزمان نے متاثرہ خاندان سے بھتہ وصول کیا۔
ڈپٹی پراسیکیوٹر کا مزید کہنا تھا کہ آڈیو ویڈیو رپورٹ کے مطابق ملزمان متاثرہ بچے سے بدفعلی کے مرتکب پائے گئے۔
