فرمان الہی
نماز کے اوقات
چیئرمین پاکستان تحریک انصاف عمران خان نے کہا ہے کہ سندھ کی بڑی بیماری آصف زرداری ہے، بلوچستان میں بھی ایسی غربت نہیں جیسی اندرون سندھ میں ہے۔
عمران خان نے نواب شاہ پہنچنے پر کارکنوں سے خطاب کرتے ہوئے کہا کہ سندھ میں جوظلم ہوا وہ پاکستان میں کہیں نہیں ہوا، اندرون سندھ کے عوام پاکستان میں کسی بھی جگہ کےعوام سے پیچھے ہیں۔
ان کا کہنا تھا کہ پنجاب میں کیوں نکالا؟ اور ایک سندھ کی سب سےبڑی بیماری آصف زرداری، انتقامی کارروائیاں کرکے عوام پر ظلم کیا جاتا ہے۔
عمران خان نے کہا کہ زرداری تمہارا مقابلہ کرنا تمہارے گھر سے شروع کررہا ہوں، اگلے 48 گھنٹے تک سندھ کےعوام کے ساتھ رہوں گا۔
چیئرمین پی ٹی آئی نے کہا کہ ایک فرعون پنجاب میں بیٹھاہے، ایک فرعون سندھ میں ہے، فرعونوں کا مقابلہ کرکےدکھاؤں گا، آصف زرداری بھٹو خاندان سےبالکل ایسے ہے جیسے کیپٹن صفدر شریف خاندان سے ہے۔
