فرمان الہی
نماز کے اوقات
سابق صدر آصف علی زرداری نے کہا ہے کہ الیکشن بہت سخت ہوگا، کارکن الیکشن کی تیاری کریں، رشتہ لینا آسان ہےووٹ لینا مشکل کام ہے۔
سابق صدر نے نواب شاہ میں کارکنوں سے خطاب کرتے ہوئے کہا کہ دو ہزار تیرہ میں آر او الیکشن ہوا، ہمیں الیکشن سے باہر رکھ کر یہ تاثر دیا گیا کہ پیپلز پارٹی پنجاب میں مقبول نہیں ۔
زرداری کا کہنا تھا کہ اس مرتبہ ہم پوری تیاری سے الیکشن لڑیں گے، بلاول بھٹو زرداری سو فیصد لیڈر بن چکے ہیں۔
سابق صدر نے مزید کہا کہ آئندہ انتخابات میں سب سے مقابلہ کریں گے، مخالفین کی سوچ بہت چھوٹی ہے، پیپلز پارٹی نے مارشل لاء کا مقابلہ کیا، پیپلز پارٹی خواتین کے حقوق کے لئے کوشاں ہے ، پارٹی نے اپوزیشن لیڈر خاتون کو بنایا ہے۔
