• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنگ کلچرل ونگ ملتان کے زیر اہتمام دو روزہ یوتھ فیسٹیول آج شروع ہو گا

میرا شہر
ملتان
27 اپریل ، 2018
ملتان(جنگ کلچرل ونگ) روزنامہ جنگ کلچرل ونگ ملتان اور وولکا فوڈز انٹرنیشنل پرائیویٹ لمیٹڈ گگلی،Giggly اور بوم بوم ببل بنانے والے ادارے اور شمع بناسپتی اینڈ کوکنگ آئل، حفیظ گھی اینڈ جنرل ملز کے تعاون سے سٹی گروپ آف کا لجز سائنس اینڈ کامرس میں دو روزہ یوتھ فیسٹیول2018ء کا انعقاد آج سے ہو گا۔ اس موقع پر شمع بناسپتی اینڈ کوکنگ آئل حفیظ گھی اینڈ جنرل ملز کے چیف ایگزیکٹو آفیسر شیخ احسن رشید نے اپنے خیالات کا اظہار کرتے ہوئے کہا کہ اتنے بڑے پیمانے پر لوگوں کو تفریح مہیا کرنا جنگ اخبار کا طرہ امتیاز ہے۔ حدیقہ کیانی، مصطفی زاہد Roxen بینڈ اور سوچ بینڈ انٹرنیشنل سطح کے گائیک اپنے فن کا مظاہرہ کرینگے۔ اس ایونٹ کی سب سے خوبصورت بات یہ ہے کہ فی میل اور میل سٹوڈنٹ کے لئے الگ الگ میوزیکل شو ہے۔ اس موقع پر چیئرمین وولکا فوڈز انٹرنیشنل چوہدری ذوالفقار علی انجم نے اپنے خیالات کا اظہار کرتے ہوئے کہا کہ ینگ سٹوڈنٹ کیلئے اس طرح کی غیر نصابی سرگرمیوں کا انعقاد ان کے نصابی معاملات پر بہتر مثبت اثر کرتا ہے۔ اس موقع پر سٹی گروپ آف کالجز کے ڈائریکٹرز محمد لئیق خان اور وحید احمد نے فاطمہ کیمپس کے تمام انتظامات کا جائزہ لیا۔ اس موقع پر فول پروف سکیورٹی ایک ریہرسل بھی کی گئی۔دونوں ڈائریکٹرز کی جانب سے تسلی بخش انتظامات پر اطمینان کا اظہار کیا گیا۔
تازہ ترین