• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گھوٹکی، جوئے کے اڈے پر چھاپہ، 2 جواری، ایک منشیات فروش گرفتار

آج کا اخبار
سندھ بھر سے
14 مئی ، 2018
گھوٹکی(نامہ نگار) گھوٹکی تھانہ اے سیکشن پولیس نے ایس ایچ او عبدالمجید آرائیں ہیڈ محرر عبدالرحمان کھوسو کی قیادت میں کلمہ چوک گھوٹکی کے نزدیک جوا اور آکڑا پرچی کے اڈے پر چھاپہ مارکر 2 جواریوں روشن ولد عبدالطیف شیخ، محمد علی ولد محمد اسماعیل میرانی کو آکڑا پرچی بوک، تاش کے پتے، نقدی، کلکیولیٹر اور موبائل فون سمیت گرفتار کر لیا ہے۔ گرفتار جواریوں سے 15 آکڑا پرچی بک، 5 کیلکولیٹر، 3 موبائل فون، تاش اور نقدی برآمد کرلی جواریوں کے خلاف تھانہ اے سیکشن میں مقدمہ درج کر لیا جبکہ دوسری کارروائی میں یارو لونڈ پولیس نے گشت کے دوران پتافی مائنر کے نزدیک 1 منشیات فروش رضوان گل ولد گل شیر پتافی کو گرفتار کرکے اس کے قبضے سے 4 بوتل شراب برآمد کرلی اور گرفتار ملزم کے خلاف یارو لونڈ تھانے پر مقدمہ درج کرلیا جبکہ ایس ایس گھوٹکی کامران نواز پنجوت نے بہترین کارروائی کرنے پر پولیس کے لیے شاباشی کا پیغام بھیجا ہے اور کارروائیاں تیز کرنے کی ہدایت جاری کی ہیں۔
تازہ ترین