حمام

ڈوڈو مجھے اپنے ساتھ کراکری کی دکان پر لے گیا۔
دکان دار چھ فٹ کا لمبا تڑنگا آدمی تھا۔
’’مجھے اپنی سیاسی سرائے کیلئے چمچوں کی ضرورت ہے۔‘‘
ڈوڈو نے بتایا۔
’’کتنے چمچے درکار ہیں؟‘‘
دکان دار نے پوچھا۔
’’دو درجن کافی ہوں گے۔
دس بارہ کڑچھے بھی۔
میں اپنی کچن کیبنٹ کیلئے کچھ اور برتن بھی لینا چاہتا ہوں۔
لیکن زیادہ کھڑکتے نہ ہوں۔‘‘
ڈوڈو نے فرمائش کی۔
’’اپنے حمام کے لئے چند نئے لوٹے بھی لے لو۔‘‘
میں نے تجویز دی۔
ڈوڈو نے ہنس کر کہا،
’’سیاسی حمام میں لوٹے ہمیشہ استعمال شدہ رکھے جاتے ہیں۔‘‘
(کہانی نویس کے نام کیساتھ ایس ایم ایس اور واٹس ایپ رائےدیں00923004647998)