فرمان الہی
نماز کے اوقات
اب پتہ نہیں یہ مشغلہ ہے یا علت، جنون ہے یا جذبہ، سیلیبریٹیز کچھ بھی کریں ان کی عادتیں، خصلتیں، معمولات یاد لچسپیاں میڈیا کی زینت بنتی رہتی ہیں اور زبان زد خاص و عام ہوتی ہیں۔ اب جانی ڈیپ کو ہی دیکھ لیجئے ہالی ووڈ کے اس سوپر ڈوپر اداکار کو گڑیوں سے عشق ہے ، جی ہاں جانی باربی ڈولز کا دیوانہ ہے۔ اس کے کیے گئے کرداروں کی ڈولز کے علاوہ اس کے پاس بیونسے، مارلن منرواور پیرس ہلٹن وغیرہ کی بھی ڈولز ہیں جن کے ساتھ وہ اپنی فلموں کے ڈائیلاگز کی ریہرسل کرتاہے ۔ پیرس ہلٹن کی بات آئی تو وہ چھپکلیوںاور مینڈکوں کے پیچھے پڑی رہتی ہے۔ آپ اس کے گھر جائیں تو آپ کاو اسطہ گرگٹوں سے بھی پڑ سکتاہے۔
انجلیناجولی نے صرف لارا کرافٹ بن کرہی چاقو بازی نہیں کی بلکہ 11 سال کی عمر سے خنجر جمع کررہی ہے اور اس کے کلیکشن میں سینکڑوں سال پرانے خنجر شامل ہیں۔ جرمن ماڈل اور Love Actuallyکی اسٹارکلاڈیا شیفر کو کیڑے مکوڑوں سے عشق ہے ، وہ نہ صر ف انہیں جمع کرتی ہیں بلکہ گھر میں اس نے کیڑے مکوڑوں کی پینٹنگز بھی لگا رکھی ہیں۔ ٹام ہینگسکو پرانے ٹائپ رائٹرز جمع کرنے کا شوق ہےجبکہ مائک ٹائسن کبوتر جمع کرتے رہتے ہیں۔ بولی وڈ کی بات کریں تو چند سپر اسٹارز کے انوکھے شوق کے بارے میں جانیں گے تو حیران رہ جائیں گے۔
جان ابراہم
دھوم فلم سے موٹر سائیکل پر دھوم مچانے والے بولی وڈ اسٹار جان ابراہم کی جان موٹرسائیکل ہے۔ جی ہاں جان ابراہم موٹر سائیکلوں کے دیوانے ہیں خاص طور پر اسپورٹس بائیک ان کی فیورٹ سواری ہے جب ہی تو وہ فلم دھوم میں موٹر سائیکل پر بہت جچ رہے تھے۔
سلمان خان
کنوارہ کمپنی کے سلطان سلمان خان عام سا ٹشو یا رومال استعمال نہیں کرتے بلکہ دبنگ خان کوچاہئے ہوتا ہے ریشم کا کپڑا۔ یہی نہیں اس کا صابن ہوتو وہ بھی قدرتی پھلوں اور سبزیوں کے ایکسٹریکٹس سے بنا ہوا۔
شاہ رخ خان
بولی وڈ کے بادشاہ شاہ رخ خان ٹی شرٹس اور نیلی جینز کے دیوانے ہیں۔ درحقیقت شاہ رخ خان کے پاس1500 سے بھی زیادہ جینز کی پینٹیں ہیں اور انہیں غیر رسمی ملبوسات میں زیادہ دلچسپی ہے مگر اس کے ساتھ ساتھ کنگ خان ٹیکنالوجی کے بھی شوقین ہیں اور انہیں نت نئی ڈیوائسز اور ویڈیو گیمز کا جنون ہے۔
انوشکا شرما
مسز کوہلی سب سے زیادہ کھانوں کی دیوانی ہیں خاص طور پر دیہاتی کھانے ان کی پسندیدہ ترین خوراک ترین خوراک ہیں لیکن دیکھ کر لگتا تو نہیں کہ انوشکا اتنا کھاتی ہوگی۔
پریانکا اور کرینہ کپور
بولی وڈ حسینائیں پریانکا چوپڑہ اور کرینہ کپور کو ہے جوتوں کا جنون۔ یہ دونوںشوز کیلئے پاگل رہتی ہیں۔ پریانکا کے پاس80 سے زائد ڈیزائنرز شوز موجود ہیں، جبکہ کرینہ کے پاس یہ تعداد 100سے بھی زیادہ ہے۔
امیتابھ بچن
یوں تو امیتابھ کا قد ویسے ہی لمبا ہے ، کھڑے ہوں یا بیٹھے وہ دوسروں سےنمایاں ہی نظر آئیں گے لیکن بچن جی کی اونچی کرسی پر بیٹھنے کی عادت ہے۔ صرف کے بی سی ہی نہیں، کسی بھی محفل میں وہ اسی کرسی پر بیٹھنا پسند کرتے ہیں جو دوسری کرسیوں کے مقابلے میں اونچی ہو۔
