• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز شریف، حمزہ ،اور مریم کو بھی 3 نشستوں سےالیکشن لڑناچاہیے،رانا ثناءاللہ

میرا شہر
لاہور
07 جون ، 2018
لاہور(اپنے نامہ نگار سے) پاکستان مسلم لیگ ن کی قیادت کو کئی حلقوں سے انتخابات لڑانے کی تجویز سامنے آئی ہے، پارٹی کے صدر شہباز شریف، ان کے بیٹے حمزہ شہباز اور مریم نواز کو کم از کم قومی اسمبلی کی سیٹوں سے انتخابات میں حصہ لینے کے امکانات پیدا ہوگئے ہیں۔ سابق صوبائی وزیر قانون رانا ثناء اللہ نے میڈیا سے بات کرتے ہوئے بتایا کہ انہوں نے پارلیمانی بورڈ میں تجویز پیش کی ہے کہ اگر عمران خان قومی اسمبلی کی 4نشستوں سے انتخابات میں حصہ لے رہے ہیں تو ہماری پارٹی کی قیادت میاں شہباز شریف، حمزہ شہباز اور مریم نواز کو بھی کم از کم 3قومی اسمبلی کی نشستوں سے حصہ لینا چاہیے۔انہوں نے کہا کہ شہباز شریف اور مریم نواز کو لاہور کے حلقوں کے ساتھ ساتھ فیصل آباد اور ملک کے دیگر حلقوں سے بھی انتخابات میں حصہ لینا چاہیے۔
تازہ ترین