• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرویز مشرف کا شناختی کارڈ بحال ، پاسپورٹ کی بحالی پر غور

آج کا اخبار
اہم خبریں
15 جون ، 2018
اسلام آباد (این این آئی) وزارت داخلہ نے سابق صدر پرویز مشرف کا شناختی کارڈ بحال کردیا۔میڈیا رپورٹ کے مطابق سابق صدر پرویز مشرف کے خلاف سنگین غداری کیس کی سماعت خصوصی عدالت کررہی ہے جس نے ان کی انٹرپول کے ذریعے گرفتاری کا حکم بھی دے رکھا ہے۔سابق صدر کے کاغذات نامزدگی سے متعلق سپریم کورٹ بھی کیس کی سماعت کررہی ہے اور عدالت عظمیٰ کی جانب سے طلب کیے جانے کے باوجود پرویز مشرف پیش نہیں ہوئے۔ پرویز مشرف کے وکیل نے عدالت میں مؤقف اپنایا کہ ان کے مؤکل آنا چاہتے ہیں تاہم شناختی کارڈ اور پاسپورٹ بلاک ہونے کی وجہ سے نہیں آسکتے۔ذرائع کے مطابق وزارت داخلہ نے سابق صدر جنرل (ر) پرویز مشرف کا شناختی کارڈ بحال کردیاہے اور ان کے پاسپورٹ کی بحالی سے متعلق بھی غور شروع کر دیا ہے ۔
تازہ ترین