• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی نواز شریف کا گڑھ ہے،مخالفین کی ضمانتیں ضبط کرائینگے، ن لیگ

میرا شہر
اسلام آباد
22 جون ، 2018
راولپنڈی(اپنے رپورٹر سے)مسلم لیگ ن راولپنڈی کے تمام ٹکٹ ہولڈرز اور رہنمائوں نے اپنے اختلافات ختم اور ایک ہو کر انتخابی مہم چلانے کا اعلان کرتے ہوئے عوام سے اپیل کی ہے کہ25جولائی کوشیر پر مہر لگا کر قائد میاں نواز شریف کے مشن کو کامیاب کرائیں۔اس بات کا اظہار جمعرات کو میئر راولپنڈی سردار نسیم خان کی طرف سے دئیے گے ظہرانے کے موقع پر سینیٹرچوہدری تنویر احمد خان،محمد حنیف عباسی،ملک ابرار،طاہرہ اورنگزیب،بیرسٹر دانیال چوہدری اور دیگر نے خطاب کرتے ہوئے کیا۔اس موقع پر سجاد خان،ملک شکیل اعوان،راجہ ارشد،راجہ حنیف ایڈووکیٹ،عابد وحید شیخ،راحت قدوسی،حاجی پرویز،مقبول احمد خان،سیما جیلانی،شیخ ارسلان،ضیا اللہ شاہ،زیب النساء،تحسین فواد،فخر وڑائچ،شرجیل میر،طاہر تاج بھٹی،راجہ مشتاق،عمر مشتاق،سمیت چیئر مین و وائس چیئرمین یونین کونسلز،کینٹ بورڈ کے نمائندوں سمیت مسلم لیگی کارکنوں نے شرکت کی۔میئر سردار نسیم نے خطاب کرتے ہوئے کہا کہ آج اختلافات ختم کرکے باضابطہ انتخابی مہم چلانے کا اعلان کرتے ہیں۔مخالفین کی 2008کی طرح ضمانتیں ضبط کرادیں گے۔ہم ثابت کردیں گے راولپنڈی شہر نواز شریف کا گڑھ ہے۔ملک ابرار نے کہا کہ یہ الیکشن شخصیات پر نہیں نظریہ اور پارٹی ٹکٹ پر لڑنا ہے۔کارکن نواز شریف کے سپاہی ہیں ۔طاہرہ اورنگزیب نے کہاکہ کارکن شیر کے نشان،نواز شریف کےچہرے اور اتحاد کو یاد رکھیں۔ہر ووٹ قیمتی ہے جو ناراض ہیں ان کو بھی ساتھ لے کر چلیں گے۔ووٹ کے تقدس کی بحالی کیلئے جدوجہد کررہےہیں۔حنیف عباسی نے خطاب کرتے ہوئےکہا کہ ہم سب ایک کشتی کے سوار ہیں۔یہ نظریہ کا الیکشن ہے۔ہم قائد نواز شریف کوحلف دیتے ہیں کہ 25جولائی کو شیر پرمہر کیلئےملکر کام کریںگے۔بیرسٹر دانیال چوہدری نے کہا کہ مسلم لیگ ن کا سب سے کم عمر امیدوار قومی اسمبلی ہوں۔جسے نواز شریف نے خود ٹکٹ دیا ہے۔کارکنوں کی سپورٹ سے سیٹ جیت کر نواز شریف کو تحفہ دوں گا۔سینیٹر چوہدری تنویر احمد خان نے کہا کہ ہمیشہ ایمانداری کی سیاست کی ہے۔ووٹ اور ورکر کوعزت دے کرہی کامیابی حاصل کی جاسکتی ہے۔انہوں نے شیخ رشید کو چیلنج کرتے ہوئے کہا کہ اگر مسلم لیگ ن پنجاب کی سب سے بڑی پارٹی نہ ہوئی تو وہ سیاست چھوڑ دیں گے ورنہ شیخ رشید اعلان کریں کہ وہ سیاست چھوڑ دینگے۔انہوں نے کہا کہ ناموس رسالتﷺ کیلئے ہماری جان بھی حاضر ہےلیکن ایسے ٹولے کو مسلط نہیں ہونے دیں گے جو یہودیوں کے مال پر پلتے ہوں۔تقریب کے اختتام پر بیگم کلثوم نواز اور نجمہ حمید سمیت پارٹی کیلئے خصوصی دعا کرائی گئی۔
تازہ ترین