کراچی (نصر اقبال/اسٹاف رپورٹر) پاکستان ہاکی فیڈریشن نے قومی سنیئر ہاکی ٹیم کے کوچنگ اسٹاف کو حتمی شکل دے دی ہے۔ فیڈریشن نے احمد عالم اور اجمل لودھی کو کوچ خواجہ جنید کے معاون کے طور پر تعینات کردیا ہے۔ سابق کپتان حنیف خان بدستور ہیڈ کوچ اور منیجر ہونگے۔ جنگ کو ملنے والی اطلاع کے مطابق سابق کپتان احمد عالم کو گول کیپنگ کوچ اور اجمل لودھی کو اسسٹنٹ کوچ مقرر کردیا ہے۔ دونوں کوچز 24 فروری سے اسلام آ باد میں شروع ہونے والے قومی ہاکی کیمپ میں اپنی ذمے داری نبھا ئیں گے۔ کیمپ میں ملک بھر سے اوپن ٹرائلز کے ذریعہ منتخب 100 کھلاڑیوں کو رکھا جائے گا۔ کیمپ سے 40 پلیئرز کو شارٹ لسٹ کیا جائے گا، امکان ہے کہ بعد میں تربیتی کیمپ کراچی منتقل کیا جائے گا۔ اذلان شاہ کپ کی تیاریوں کیلئے ہاکی فیڈریشن نے قومی سینئر اور جونیئر ٹیموں کے درمیان چار میچز کی سیریز کرانے کا فیصلہ کیا ہے۔
فرمان الہی
نماز کے اوقات
