ریوڈی جنیرو (نیوز ایجنسیز) ٹاپ سیڈڈ رافیل نڈال ریو اوپن کے سیمی فائنل میں پابلو شاویز کے ہاتھوں اپ سیٹ شکست کے بعد ٹورنامنٹ سے باہر ہوگئے۔ دونوں کھلاڑیوں کے مابین کانٹے کا مقابلہ ہوا، نڈال نے پہلے سیٹ میں 7-6 سے فتح حاصل کی تاہم شاویز نے اگلے دونوں سیٹس بالترتیب 7-6 اور 6-4 سے جیت کر فائنل کےلئے کوالیفائی کر لیا۔ادھر امریکی ریاست فلوریڈا کے شہر ڈیلرے میں جاری مینز سنگلز ایونٹ کے پہلے سیمی فائنل میں مقامی کھلاڑی سیم کیوری نے ارجنٹائن کے جان مارٹن ڈیل پوٹرو کو اسٹریٹ سیٹس میں شکست دی۔ دوسرے سیمی فائنل میں امریکہ ہی کے راجیو رام نے بلغاریہ کے گریگور دمتروف کو بآسانی 6-4 اور 6-3 سے ہرا کر فائنل تک رسائی حاصل کی۔ دریں اثنا مارین سلچ اور نک کریگوئس مارسیلی اوپن چیمپئن شپ کے فائنل میں پہنچ گئے ہیں۔
فرمان الہی
نماز کے اوقات
