• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

’’دی نیوز ایجوکیشن ایکسپو‘‘ کا آج ملتان میں افتتاح

آج کا اخبار
اہم خبریں
10 جولائی ، 2018
ملتان (پ ر)جنگ گروپ کےزیراہتمام ملک کی سب سے بڑی تعلیمی نمائش ’’دی نیوز ایجوکیشن ایکسپو‘‘ کا کراچی‘راولپنڈی‘اسلام آباد اور لاہور میں بےمثال کامیابی کے بعدآج شنگریلا گارڈن ملتان میں افتتاح ہورہاہے۔تعلیمی نمائش صبح 9سے شام 7 بجے تک جاری رہے گی جس میں مایہ ناز ملکی وغیرملکی ،گورنمنٹ اورپرائیویٹ سیکٹرکے تعلیمی ادارے اور بیرون ممالک تعلیم کے حصول کیلئے کنسلٹنٹ اپنے سٹالز لگا رہےہیں جن سے ہرسال ہزاروں کی تعداد میں طلباء و طالبات اپنے بہترمستقبل سے متعلق معلومات حاصل کرتےہیں‘جنگ گروپ ایک دہائی سے تعلیمی سیکٹر کو پروموٹ کرنے کیلئے ملک کے تمام بڑے شہروں میں تعلیمی نمائش کا انعقاد کرتاہے تاکہ ہمارا آنے والا مستقبل تعلیم سے بھرپورآراستہ ہو اور پوری دنیا میں اپنی صلاحیتوں کو منواسکے۔تعلیمی نمائش میں دی نیکسٹ کالج‘نواز شریف یونیورسٹی‘ آئی ایس پی یونیورسٹی‘ دی یونیورسٹی آف لاہور‘فاسٹ یونیورسٹی‘کپس ایجوکیشن سسٹم کے علاوہ دیگر انسٹی ٹیوٹ بھی شامل ہیں۔ایجوکیشن ایکسپو میں انٹری فری ہے۔
تازہ ترین