ملتان.......ملتان سمیت پنجاب کے کئی شہروں میں گیس غائب ہے، گھریلو صارفین کو شدید مشکلات کا سامنا ہے۔موسم سرما کے آغاز سے ہی ملتان میں گھریلو صارفین کو گیس دستیاب نہیں ۔ گیس کی عدم فراہمی سے خواتین کو مشکلات کا سامنا ہے ۔
ملتان کے مختلف علاقوں کینٹ ، گراس منڈی ، سورج میانی ، گلگشت ، شاہ رکن عالم ٹاؤن ، ممتاز آباد کالونی ، جناح ٹاؤن سمیت مختلف علاقوں میں گیس کئی روز سے بند ہے ۔ صارفین کا کہنا ہے کہ تمام دن گیس کا انتظار کرتے ہیں تاہم مہنگی لکڑیوں پر کھانا بنانے پر مجبور ہیں جبکہ گیس کے بلز جوں کے توں ہیں ۔
سردیوں میں نہ کھانے پکانے کو گیس ملتی ہے اور نہ نہانے کو گرم پانی ۔ صارفین کا کہنا ہے کہ کم سے کم دن کے مختلف اوقات میں گیس فراہم کی جائے تا کہ اس کے مطابق گھریلو کام نمٹائے جا سکیں ۔
فرمان الہی
نماز کے اوقات
