• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایم ڈی ملتان ویسٹ مینجمنٹ کمپنی کا صبح سویرے شہر کے مختلف علاقوں کا دورہ

میرا شہر
ملتان
02 اگست ، 2018
ملتان (سٹاف رپورٹر) منیجنگ ڈائریکٹر ملتان ویسٹ مینجمنٹ کمپنی انوار الحق نے صبح سویرے شہر بھر میں مختلف علاقہ جات چوک کمہارنوالہ، خانیوال روڈ، عید گاہ، کچہری چوک، گھنٹہ گھر، گلگشت، پرانا خانیوال روڈ، دولت گیٹ ودیگر کا دورہ کیا اس موقع پر منیجر آپریشن عثمان خورشید ان کے ہمراہ تھے عملہ صفائی کی حاضری اور صفائی انتظامات کو چیک کیا منیجنگ ڈائریکٹر نے تمام سپروائزری سٹاف کو علاقوں کی صفائی کو ہر صورت یقینی بنانے کا کہا مزید برآں انہوں نے سپروائزری سٹاف کو کہا کہ فلتھ ڈپوئوں اور کنٹینرز کو بروقت خالی کرنے کے ساتھ ساتھ ان کی کڑی نگرانی بھی کی جائے تاکہ کوڑا کی مقدار میں کمی واقع نہ ہوانہوں نے کہا کہ عملہ صفائی کی حاضری کویقینی بنایا جائے تاکہ صفائی کے عمل کو روزانہ کی بنیادپر مکمل کیا جائے صفائی سے متعلق کسی قسم کی کوتاہی برداشت نہیں کی جائے گی اور کوتاہی برتنے والوں کو ڈیوٹی سے فارغ کردیا جائے گا۔
تازہ ترین