• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ایچ اے مری پی آئی اے پارک میں آج کٹ فلاور شو منعقد کریگی

میرا شہر
اسلام آباد
06 اگست ، 2018
راولپنڈی( اپنے نامہ نگار سے، اپنے رپورٹر سے) پارکس اینڈ ہارٹیکلچر اتھارٹی (پی ایچ اے ) راولپنڈی کے زیر اہتمام پی آئی اے پار ک مری میں آج 6اگست کو کٹ فلاور شومنعقد ہوگا۔اس شو کا افتتاح کمشنر راولپنڈی ڈویژن کرینگے۔افتتاحی تقریب میں ڈی جی پی ایچ اے سیف انور جپہ اور ادارے کا عملہ شریک ہونگے۔غیرسرکاری تنظیم فرینڈزآف انوائرنمنٹ کے علاوہ دیگر ادارے بشمول سکول وکالجز اور یونیورسٹی کے طلباو طالبات مختلف قسم کے پھولوں کے خوبصورت سٹالز لگائینگے۔اس موقع پر پی ایچ اے راولپنڈی موسم برسات کی شجرکاری مہم کے سلسلے کو آگے بڑھاتے ہوئے مری کے مختلف مقامات پر مختلف اقسام کے مقامی پودے لگانے کیساتھ ساتھ عوام الناس کی آگاہی اورشمولیت کویقینی بنانے کیلئے واک بھی کی جائیگی۔مری کے دشوارگزار پہاڑوں اور ناقابل رسائی مقامات پر شجرکاری کے لئے سیڈبال نامی تکنیک کا استعمال کیا جائیگاجس میں مٹی میں لپٹے اخروٹ،خوبانی،چیڑ،دیودارکے بیج مقامی طریقہ یعنی بذریعہ غلیل پھینکے جائینگے۔پی ایچ اے راولپنڈی کی جانب سے تمام سول سوسائٹی، کالجز، سکولز،یونیورسٹیز اور دیگر سرکاری و غیر سرکاری اداروں کو اس نمائش اور واک میں بھرپور شرکت کی دعوت عام دی گئی ہے۔
تازہ ترین