آپ آف لائن ہیں
جمعہ 10؍محرم الحرام 1440ھ 21؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیگم کلثوم نواز کے انتقال کی خبر سننے کے بعد اڈیالہ جیل میں موجود نوازشریف اور مریم نواز غم نڈھال ہوگئے ،آنکھوں سے آنسو چھلک پڑے ۔

شہبازشریف کی نوازشریف اور مریم نواز سے ملاقات میں کلثوم نواز کے جنازے کے وقت اور جگہ سے متعلق مشاورت کی گئی ۔

اڈیالہ جیل میں شہبازشریف اور خاندان کے دیگرافراد نےنواز شریف ، مریم نواز اور کیپٹن(ر) صفدر سے ملاقات کی جن میں مریم نواز کی بیٹیاں اور داماد بھی شام بھی تھے ،اس موقع پر نوازشریف اور مریم کی پیرول پر رہائی کے معاملے پر بھی مشاورت کی گئی۔

ملاقات کےد وران مریم نواز والدہ کی وفات کی خبر سننے کے بعد خود پر قابو نہیں رکھ پارہیں،اہل خانہ انہیں سنبھالنے کی کوشش کرتے رہے۔

تین بار خاتون اول رہنے والی بیگم کلثوم نواز کے انتقال کی خبر اڈیالہ جیل میں قید نواز شریف اور مریم نواز کو ملی تو نواز شریف اشکبار ہو گئے،مریم اپنی والدہ کو یاد کرکے روتی رہیں۔

مریم نواز نے اپنے بچوں کو بھی کافی دیر تک گلے لگائے رکھا، والدہ سے ملے دو ماہ ہو جانے اور بات نہ ہونے کا بار بار تذکرہ کیا اور والدہ کا چہرہ آخری کال پر ہی دکھا دینے کی بات کرتی رہیں، نواز شریف، شہباز شریف اور اہلخانہ مریم نواز کو دلاسہ دیتے رہے اور صبر کی تلقین کرتے رہے۔

شہبازشریف نے کہا کہ کلثوم نواز نے ماں ،بہن ،بیٹی اور اہلیہ کے طور پر مثالی کردار ادا کیا،انہوں نے مشکل ترین حالات میں مصائب کا ڈٹ کر مقابلہ کیا۔

Chatاپنی رائے سے آگاہ کریں