فرمان الہی
نماز کے اوقات
کراچی (اسٹاف رپورٹر) پی سی بی انٹر ریجن انڈر19 کرکٹ چیمپئن شپ میں فیصل آباد نے کراچی وائٹ کو دو وکٹ سے جبکہ کراچی بلیوز نے ملتان کو 10 وکٹ سے ہرادیا۔یو بی ایل گرائونڈ پر کراچی بلیوز نے بغیر نقصان کے24 رنز بناکر میچ دس وکٹ سے اپنے نام کر لیا۔ فاتح ٹیم نے پہلی اننگز میں 167 رنز بنائے تھے، ملتان کی ٹیم134 اور 55 رنز بناسکی۔ فیصل آباد میں میزبان ٹیم نے کراچی وائٹس کو دو وکٹ سے ہرایا۔ ناکام ٹیم نے64 اور 224 رنز اسکور کئے، فیصل آباد نے 86 اور دوسری اننگز میں آٹھ وکٹ پر203 رنز بنائے۔ سیف علی83 اور عرفان خان 75 رنز بنائے۔ صوابی میں پشاور نے سیالکوٹ کے خلاف ایک اننگز 182رنز سے فتح حاصل کی، پشاور نے 378 رنزبنائے تھے جس میں محمد حارثکے154 رنز نمایاں تھے۔ مخالف ٹیم 98 اور 108 رنز پرآئوٹ ہوئی۔ این بی پی اسٹیڈیم میں ایبٹ آباد نے127اور دوسری اننگز میں پانچ وکٹ پر 192رنز بنائے ۔ دانش اور آفاق نے67،67 رنز اسکور کئے۔ ڈیرہ مراد جمالی نے پہلی اننگز میں 283 رنز اسکور کئے جس میں فہد حسین کے 110 رنز نمایاں تھے۔ شعیب احمد نے78 رنز بنائے۔ ٹی ایم سی گرائونڈ پر کوئٹہ نے 188 رنز اسکور کئے، فاٹا نے پہلی اننگز میں 225 اور دوسری میں 141رنز اسکور کئے۔
