گوجرانوالہ .....گوجرانوالہ میں پتنگ کی ڈورگلے پر پھرنے سے نوجوان زخمی ہوگیا، پولیس نے پتنگ بازوں کیخلاف کریک ڈاؤن کرتے ہوئے سترہ افراد کو گرفتار کرکے خوب چھترول کی۔ گرفتار ملزمان بے گناہی کا رونا روتے رہے ۔ فیصل آباد میں بھی پتنگ بازوں کی شامت آگئی، پچاس سے زائد افراد دھر لیے گئے ۔
گوجرانوالہ کےسٹیلائٹ ٹاؤن میں پتنگ کی ڈور گلے پر پھرنے سے نوجوان زخمی ہوگیا جسے ڈی ایچ کیو اسپتال طبی امداد دی جارہی ہے ۔ واقعے کے بعد پولیس نے علاقے میں پتنگ بازوں کیخلاف کریک ڈٖاؤن کرتے ہوئے 17 افراد کو گرفتار کرکے چھترول کرتے ہوئے تھانے منتقل کردیا گیا ۔
گرفتار ملزمان نے جیونیوز سے گفتگومیں کہاکہ وہ بے قصور ہیں، پولیس انہیں بے وجہ گرفتار کرلائی ہے۔
گلبرگ،مدینہ ٹاؤن ،سمن آباد اورپیپلزکالونی سمیت فیصل آباد کے مختلف علاقوں یں بھی پتنگ بازوں کیخلاف کریک ڈاؤن ہوا جہاں 50سے زائدافراد گرفتار ہوئے اور مقدمات بھی درج کرلیے گئے۔
فرمان الہی
نماز کے اوقات
