• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

’ پولیس کی کوتاہیوں کی نشاندہی کریں‘

افضل ندیم ڈوگر
تازہ ترین
قومی خبریں
01 اکتوبر ، 2018



ایڈیشنل آئی جی کراچی ڈاکٹر امیر احمد شیخ نے سوشل میڈیا استعمال کرنے والے شہریوں سے اپیل کی ہے کہ وہ کراچی پولیس کے اچھے کاموں کی تعریف اور پولیس ملزمان کی کوتاہیوں کی نشاندہی کریں۔

سوشل میڈیا استعمال کرنے والے شہریوں کے لیے خصوصی ویڈیو پیغام میں انہوں نے کہا کہ وہ اور ان کی ٹیم سوشل میڈیا کو بھرپور مانیٹر کرتے ہیں۔

انہوں نے ان تمام شہریوں کا شکریہ ادا کیا جو سوشل میڈیا پر پولیس کے اچھے اور مثبت کاموں کی تعریف کرتے ہیں اور ان پوسٹ پر بھی بھرپور توجہ دیتے ہیں جن میں پولیس کی اصلاحی تنقید ہوتی ہے۔

ایڈیشنل آئی جی کراچی نے کہا کہ کراچی پولیس کی اصلاحی کمیٹی ہے جو اپنے طور پر پولیس کو بہتر بنانے کیلئے اقدامات کررہی ہے لیکن شہریوں کی تنقیدی، اصلاحی تجاویز اور چھوٹی چھوٹی باتیں جو انہیں سوشل میڈیا کے ذریعے سے ملتی ہیں وہ بھی پولیس ملازمین کے کردار کو بہتر بنانے کے لئے بہت کارآمد ہوتی ہیں۔

ڈاکٹر امیر شیخ کا کہنا ہے کہ وہ چاہتے ہیں کہ پولیس ایسی ہو جسے دیکھ کر عام شہری ڈریں نہیں بلکہ سکھ کا سانس لیں اور برا آدمی پولیس کو دیکھ کر دور بھاگے۔

انہوں نے کہا کہ انہیں پولیس میں 28 سال ہو گئے ہیں اب ان کا یہ مشن اور شوق ہے کہ پولیس عوام کو اپنا دوست سمجھے اور عوام کو احساس دلائے کہ پولیس ان کی خدمت کے لئے بنی ہے۔

تازہ ترین