زینب کے قاتل کی خاندان سے آخری ملاقات کل ہوگی

15 اکتوبر ، 2018

مجرم عمران کی خاندان سے آخری ملاقات کل ہوگی

زینب قتل کیس کے مجرم عمران کی خاندان سےآخری ملاقات کل جیل میں کرائی جائے گی۔

جیل حکام کے مطابق زینب قتل کیس کے مجرم عمران کی خاندان والوں سے آخری ملاقات کل دن میں 12 بجے کرائی جائے گی۔

جیل حکام نے ہدایت کی کہ ہےمجرم عمران سے ملاقات کرنے والے اپنا قومی شناختی کارڈ ساتھ لے کر آئیں۔ یہ ہدایت بھی کی گئی ہے کہ آخری ملاقات کےلیے 50 سے زیادہ افراد جیل نہ آئیں۔

مجرم عمران کو 17 اکتوبر (بدھ )کی صبح پھانسی دی جائے گی اور پھانسی کے بعد میت صبح ساڑھے5بجےورثا کےحوالے کی جائے گی۔

واضح رہے کہ قصور کی 7 سالہ زینب کے اغوا، زیادتی اور بہیمانہ قتل کے مجرم عمران علی کو لاہور کی انسدادِ دہشت گردی عدالت نے رواں سال 17 فروری کو4 مرتبہ سزائے موت، تاحیات اور 7 سالہ قید کے علاوہ 41 لاکھ جرمانےکی سزا سنائی تھی۔

عمران نے زینب سمیت 7 بچیوں کو زیادتی کے بعد قتل کیا تھا۔ تاہم صدر مملکت اور اعلیٰ عدلیہ نے مجرم عمران علی کی رحم کی اپیلیں خارج کردی تھیں۔

تازہ ترین