فرمان الہی
نماز کے اوقات
وفاقی حکومت نے بے نظیر انکم سپورٹ پروگرام کا وظیفہ بڑھانے کا فیصلہ کیا ہے، پروگرام کے تحت سہ ماہی وظیفہ 5 ہزار سے زیادہ کیا جائے گا،وزیر اعظم غربت مٹاؤ اسکیم میں اعزازیہ یا وظیفہ بڑھانے کا اعلان کریں گے۔
وفاقی حکومت نے بینظیر انکم سپورٹ پروگرام کے تحت مستحق افراد کو ملنے والے وظیفے کی رقم بڑھانے کا فیصلہ کیا ہے، پروگرام کے تحت وفاقی حکومت کی جانب سے سہ ماہی ساڑھے 4 ہزار روپے کے قریب وظیفہ دیا جاتا ہے۔
ذرائع کے مطابق بینظیر انکم سپورٹ پروگرام کی چیئر پرسن ڈاکٹر ثانیہ نشتر نے بی آئی ایس پی کے حوالے سے وزیراعظم عمران خان کو بریفنگ دی۔
اجلاس میں حکومت نے بینظیر انکم سپورٹ پروگرام کے تحت سہ ماہی وظیفہ 5 ہزار سے زیادہ کرنے کا فیصلہ کیا گیا ہے۔
ذرائع کا بتانا ہے کہ وزیراعظم عمران خان غربت مٹاؤ اسکیم میں اعزازیہ یا وظیفہ بڑھانے کا اعلان کریں گے، حکومت کے اس فیصلے سے 55 لاکھ مستحق افراد مستفید ہوں گے۔
ذرائع کا کہنا ہے کہ ملکی معاشی صورتحال بہتر ہونے کے بعد بینظیر انکم سپورٹ پروگرام کے تحت مستحق افراد کو ملنے والا وظیفہ بتدریج مزید بڑھایا جائے گا۔
