فرمان الہی
نماز کے اوقات
کراچی (اسٹاف رپورٹر) بھارتی سرزمین پر ایک بار پھر سبز ہلالی پرچم سربلند کرنے کا عزم لیے قومی ہاکی ٹیم آج واہگہ بارڈر پار کرے گی۔ گرین شرٹس کا عزم ورلڈکپ میں وکٹری اسٹینڈ تک رسائی ہے۔ ٹیم ہفتے کوبراستہ واہگہ بارڈر بھارت جائیگی۔ ورلڈ کپ کے دوران محمد رضوان سینئر قومی ٹیم کی قیادت کریں گے۔ دوسرے کھلاڑیوں میں عمران بٹ، مظہر عباس، عرفان سنیئر، علیم بلال، مبشر علی، محمد توثیق ارشد، تصور عباس، راشد محمود، اعجاز احمد، عماد شکیل بٹ، محمد عرفان جونیئر، علی شان، فیصل قادر، ابوبکر محمود، عمر بھٹہ، محمد عتیق ارشد اور محمد زبیر شامل ہیں۔ ورلڈ کپ 28 نومبر سےشروع ہوگا، پاکستان ٹیم اپنا پہلامیچ یکم دسمبر کو جرمنی کے خلاف کھیلے گی۔ قومی ٹیم کا کیمپ جمعے کو ختم ہوگیا۔ پی ایچ ایف ہفتے کو قومی کھلاڑیوں کو بقایاجات ادا کرے گی۔
