• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زرداری نواز شریف میں کوئی رابطہ نہیں ہوا ،ن لیگ، پیپلزپارٹی

آج کا اخبار
اہم خبریں
19 دسمبر ، 2018
راولپنڈی (نمائندہ جنگ،مانیٹرنگ سیل ) پاکستان مسلم لیگ (ن) اور پیپلز پارٹی نے سابق وزیر اعظم نواز شریف اور سابق صدر آصف علی زرداری کے درمیان رابطوں کی تردید کر دی۔پاکستان مسلم لیگ (ن) کی ترجمان مریم اورنگزیب نے نواز شریف اور سابق صدر آصف زرداری کے درمیان رابطوں کی تردیدکردی،اپنے بیان میں مریم اورنگزیب نے کہاہے کہ نواز شریف اور پیپلز پارٹی کے شریک چیئرمین آصف زرداری کے درمیان رابطوں کے حوالے سے خبر درست نہیں، میڈیا سے درخواست ہے کہ قیاس آرائی پر مبنی خبروں سے گریز کیاجائے۔ادھرپیپلز پارٹی کے رہنما فرحت اللہ بابر کا وضاحتی بیان میں کہنا تھا کہ نواز شریف اور آصف زرداری کے درمیان کوئی ٹیلیفونک بات چیت نہیں ہوئی۔یاد رہے کہ گزشتہ روز بھی پارلیمنٹ میں صحافیوں نے سابق صدر آصف زرداری سے نواز شریف سے ملاقات کے امکان کا سوال کیا تھا جس پر انہوں نے کہا تھا کہ ’آپ کہہ دیں، کرا دیں، جو آپ کا حکم ہو۔
تازہ ترین