• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جسٹس محمد شمیم خان نے لاہور ہائیکورٹ کے 48ویں چیف جسٹس کےعہدے کا حلف اٹھالیا

آج کا اخبار
اہم خبریں
02 جنوری ، 2019
لاہور (نمائندہ جنگ)جسٹس سردار محمد شمیم خان نے لاہور ہائی کورٹ کے 48ویں چیف جسٹس کے عہدہ کا حلف اٹھالیا، گورنر پنجاب چوہدری محمد سرور نے ان سے حلف لیا- گورنر ہاوس لاہور میں ہونے والی سادہ اور پُرو قار تقریب میں وزیر اعلیٰ پنجاب عثمان بزدار، سپیکر پنجاب اسمبلی چوہدری پرویز الٰہی ، ہائیکورٹ کے جج صاحبان ، صوبائی وزراء، پاکستان بار کونسل کے وائس چیئرمین، لاہور ہائیکورٹ بار ایسو سی ایشن اور لاہور بار ایسو سی ایشن کے صدور و دیگر عہدیداروں سمیت سینئر وکلاء، وفاقی و صوبائی لاءافسران، سول و عسکری افسران اور اعلیٰ حکام نے شرکت کی۔ حلف برداری تقریب کے بعد عدالت عالیہ لاہور پہنچنے پر فاضل چیف جسٹس کو پولیس کے چاک و چوبند دستے نے گارڈ آف آنر پیش کیا۔
تازہ ترین