آپ آف لائن ہیں
جنگ ای پیپر
جمعہ15؍ ربیع الثانی 1441ھ 13؍دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

زرداری اور فریال بینکنگ کورٹ میں پیش

کراچی کی بینکنگ کورٹ میں میگا منی لانڈرنگ کیس کی سماعت شروع ہوگئی، جس میں سابق صدر آصف علی زرداری ان کی  ہمشیرہ فریال تالپور و دیگر ملزمان عدالت میں پیش ہوگئے۔

میگا منی لانڈرنگ کیس کی سماعت کے دوران ایف آئی اے پراسیکیوٹر ممتاز الحسن و دیگر حکام عدالت میں پیش ہوئے۔

آج آصف زرداری اور فریال تالپور کی ضمانت قبل از گرفتاری کا آخری روز ہے، ملزمان کی عبوری ضمانتوں میں مزید توسیع کا فیصلہ بھی آج ہی ہوگا۔

تفتیشی افسر مقدمے میں ہونے والی پیشرفت سے عدالت کو آگاہ کریں گے اور مفرور ملزمان کی گرفتاری سے متعلق رپورٹ جمع کرائیں گے۔

عدالت نے مقدمے میں نامزد تمام ملزمان کو آج پیش کرنے کا حکم دیا تھا،اس موقع پر بینکنگ کورٹ کے اطراف سیکیورٹی کے سخت انتظامات کیے گئے ہیں۔

آصف علی زرداری اور فریال تالپور کی آمد سے قبل پیپلزپارٹی کے کارکنان کے بینکنگ کورٹ پہنچنے کا سلسل شروع ہوگیا ہے۔

قومی خبریں سے مزید