فرمان الہی
نماز کے اوقات
بلوچستان کے ضلع پشین میں بارش کے بعد کچے مکان کی چھت گرنے سے 4 بچیاں جاں بحق ہو گئیں جبکہ واقعے میں ایک خاتون سمیت 4 افراد زخمی ہو گئے۔
پولیس کے مطابق واقعہ پشین کے علاقے کلی لمڑان میں پیش آیا، جہاں بارش کےبعد 4 کمروں پر مشتمل ایک کچے مکان کی چھت اور دیواریں گر گئیں۔
چھت گرنے کے نتیجے میں متاثرہ مکان میں موجود 4 بچیاں ملبے تلے دب کر جاں بحق ہو گئیں جبکہ ایک خاتون سمیت 4 افراد زخمی ہوگئے، جنہیں طبی امداد کے لیے اسپتال منتقل کر دیا گیا ہے۔
اسپتال ذرائع کے مطابق زخمیوں میں سے3 کی حالت تشویشناک ہے اور انہیں طبی امداد کی فراہمی جاری ہے۔
