• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، چور 10دکانوں کے تالے توڑ کر ہزاروں روپے اورسامان لے اڑے

میرا شہر
پشاور
25 فروری ، 2019
پشاور(نمائندہ خصوصی) پشاورکے علاقے سبز پیر روڈ سے محمد وارث کا رکشہ چوری کر لیا گیا ۔کوتوالی پولیس کی طرف سے محمد وارث کی رپورٹ پر لاہوری گیٹ پشاورکے راحت ولد غلام اکبر کے خلاف رکشہ چوری کرنے کا مقدمہ درج کر لیا گیا ۔ دائودزئی اور نحقی کے علاقہ میں 10دکانوں کے تالے توڑ کر ہزاروں روپے کی نقدی اور سامان چوری کر لیا گیا جبکہ سی پی او پشاور قاضی جمیل الرحمان اور ایس ایس پی آپریشن ظہور بابر کی طرف سے اندر شہر کے قریب سونے کے تاجر سے تین ہزار آٹھ سو گرام سونا گن پوائنٹ پر چھیننے کی واردات کا کھوج لگانے اور ملزموں کی گرفتاری کے لئے پولیس سٹیشن خان رازق شہید پشاور کے سٹیشن ہائوس آفیسر پر مشتمل جائنٹ انویسٹی گیشن ٹیم تشکیل دے دی ہے جبکہ جے آئی ٹی کی طرف سے اتوار کے روز جائے وقوعہ کا تفصیلی معائنہ کرنے کے علاوہ سی سی ٹی وی کیمروں کی فوٹیج بھی حاصل کر کے واردات کے مختلف زاویوں سے جائزہ لینا شروع کر دیا ہے جبکہ تفتیش کا دائرہ وسیع کر دیا گیاہے گل بہار پشاور کے سونے کا تاجر ہارون ولد ہمایون سونا لیبارٹری لے جارہا تھا کہ مسجد مہابت خان کے قریب تین مسلح رہزن اس سے تین ہزار آٹھ سو گرام سونا گن پوائنٹ پر چھین کر فرار ہوگئے ۔ متھرا پشاور کے نواحی علاقہ شگئی ہندکیان میں صابر ، اورنگزیب ، ظاہر شاہ ، سلمان اور جہانگیرہ کی دکانوں کے تالے توڑ کر ہزاروں روپے کی رقم اور ہزاروں روپے کا سامان چوری کر لیا گیا جبکہ پشاورکے نواحی علاقہ میاں گجر میں ایوب ، ذکریا اور تین دوسری دکانوں کے تالے توڑ کر ہزاروں روپے کا سامان اور رقم چوری کر لی گئی۔
تازہ ترین