• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نیشنل یونیورسٹی آف ماڈرن لینگویجز (نمل )ملتان کیمپس میں طلبا وطالبات پر مشتمل ایگزیکٹو کلب کا قیام

میرا شہر
ملتان
09 مارچ ، 2019
ملتان(سٹاف رپورٹر)نیشنل یونیورسٹی آف ماڈرن لینگویجز (نمل )ملتان کیمپس میں طلبا وطالبات پر مشتمل ایگزیکٹو کلب قائم کیا گیا۔جس کی حلف برداری کی تقریب گزشتہ دنوں یونیورسٹی ہال میں منعقد ہوئی۔ ملتان کیمپس کے ریجنل ڈائریکٹربریگیڈیئر(ریٹائرڈ) عبدالحق نے ممبران سے حلف لیا۔ممبران میں مس رقیہ اسماعیل کلب پیٹرن، حارث شہزاد صدر، مس کرن نائب صدر، بلال اجمل جنرل سیکرٹری، مس سائرہ جوائنٹ سیکرٹری اور دیگر ممبران میں سیدہ کائنات،کرن ناصر، شاہ زیب، مریم، کامران اور دیگر شامل ہیں۔تقریب سے خطاب کرتے ہوئے ریجنل ڈائریکٹر ملتان کیمپس نے کہا کہ ایگزیکٹو کلب کسی بھی یونیورسٹی کے انتظامی معاملات کے لئے نہایت اہمیت کا حامل ہوتا ہے اور کلب ممبران کو بھی بہت کچھ سیکھنے کا موقع ملتا ہے۔تقریب میں ڈپٹی ڈائریکٹر کرنل(ریٹائرڈ)محمد سلیم، انگلش ڈیپارٹمنٹ کے سربراہ ڈاکٹر اکبر ساجد اور سینئر پروفیسر ڈاکٹر عابد سلیم بھی شامل تھے۔
تازہ ترین