• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اسکواش کھلاڑی احسن ایاز کے اعزاز میں تقریب کا انعقاد

آج کا اخبار
یورپ سے
19 مارچ ، 2019
اسٹاک ہوم (کاشف عزیز بھٹہ) سویڈن کے دورہ پر آئے ہوئے سکواش کے نوجوان کھلاڑی احسن ایاز کے اعزاز میں شفقت کھٹانہ ایڈووکیٹ کی جانب سے ایک تقریب کا انعقاد کیا گیا۔ اسٹاک ہوم میں منعقدہ اس تقریب میں سفارت خانہ پاکستان سے ڈپٹی ہیڈ آف مشن عرفان احمد سمیت پاکستانی کمیونٹی کی سرکردہ شخصیات نے شرکت کی، جن میں محمد علی لاشاری، رحمت علی،عامر علی ندیم، آصف رفیق، ظفر چوہدری، محمد افضل فاروقی و دیگر شامل تھے جنہوں نے احسن ایاز کو سویڈن میں انعقاد پذیر ہونے والی دو سکواش چیمپئن شپ جیتنے پر مبارکباد پیش کی اور کہا کہ احسن ایاز جیسے نوجوان پاکستان کا اصل اثاثہ ہیں جن کی ہر سطح پر حوصلہ افزائی ہونی چاہئے۔ احسن ایاز نے اپنے اعزاز میں تقریب منعقد کرنے پر شفقت کھٹانہ ایڈووکیٹ و دیگر مہمانوں کا شکریہ ادا کیا اور کہا کہ ان کی کوشش ہوگی کہ وہ اسی طرح کامیابیوں کا سلسلہ جاری رکھیں اور پاکستان کا پرچم لہراتے رہیں، انہوں نے کہا کہ مجھے قوم اور میڈیا کا تعاون چاہئے انشاء اللہ وہ دن بھی آئے گا جب جان شیر خان اور جہانگیر خان کی طرح ورلڈ مینز چپمین شپ جیتوں گا۔
تازہ ترین