ناروے میں کروزشپ سمندری طوفان کی لپیٹ میں آگیا

ناروےمیں مسافروں سے بھرا ایک کروزشپ سمندری طوفان کی لپیٹ میں آگیا۔

غیر ملکی میڈیا رپورٹس کے مطابق ناروےمیں ایک مسافروں سے بھرا کروزشپ انجن خراب ہونے کےباعث سمندری طوفان کی لپیٹ میں آگیا۔ طوفانی موجوں میں پھنسے جہازکا فرنیچر بھی ادھر سے ادھر ہوتا رہا۔

بیچ سمندر میں کروز شپ کا انجن خراب ہونے پر عملے نے فوری مدد طلب کی، حادثے کا شکار جہازمیں عملے سمیت ایک ہزار 300 افراد سوار تھے۔

طوفان میں پھنسے جہاز سے ہیلی کاپٹروں اور دیگر کشتیوں کے ذریعے مسافروں کو باہر نکالنے کا سلسلہ جاری ہے۔

متاثرہ جہاز کے اندر کی ایک ویڈیو میں فرنیچرکوادھر سے ادھر ہوتےاورچھت کا ایک حصہ گرتےدیکھا جاسکتا ہے۔