اسلام آباد: اماراتی سفارتی افسر کے سامان سے رائفل برآمد

اسلام آباد ایئرپورٹ پر متحدہ عرب امارات کے سفارت خانے کے افسر راشد سنان علی کے سامان سے رائفل برآمد ہوئی ہے۔

ایئر پورٹ ذرائع کے مطابق متحدہ عرب امارات کے سفارت خانے کے افسر راشد سنان علی غیر ملکی ایئرلائن کی پروازسے دبئی جا رہے تھے۔

ایئرپورٹ ذرائع کا مزید کہنا ہے کہ اے ایس ایف کے عملے نے پروٹوکول آفیسر سے رائفل کا لائسنس طلب کیا،جو دستاویزات پیش نہ کرسکے۔

ایئرپورٹ ذرائع کا یہ بھی کہنا ہے کہ رائفل کا لائسنس پیش نہ کرنے پر رائفل قبضے میں لے لی گئی ہے۔